رسالة الى الخليفه ابو بكر البغدادي

حضرة الخليفة أبو بكر البغدادي

بعتذر اذا قاطعتك عن جهادك ، بتكون مشغول بنكح مجاهدة ، الله يقويك مولانا بس في امر ضروري يا ريت بتلبس عليك تيابك وبتحكيني كلمتين ،الظاهر يا حضرة الخليفة ما سمعت شو صاير بفلسطين ?

ما عرفت انو في طفل (بالصورة) خطفوه مستوطنين اسرائيليه وقتلوه بطريقة وحشيه ؟

يعطيك العافيه بقّدر مشاغلك بالجهاد بس انو كمان انت خليفة ، ولازم تهتم لامور المسلمين بكل بقاع الارض ، خصوصي انو الخليفة عمر بن الخطاب هوي القايل :

لو ماتت شاة على شط الفرات ضائعة لظننت أن الله تعالى سائلي عنها يوم القيامة

ونحنا ما عم نحكي عن حيوان ، عم نحكي عن بشر ، طفل ، مسلم ، سني ، قتلوه يهود مستعمرين ارضو وبكل وحشيه مش لازم جنابك يا حضرة الخليفه تهتم لامرو ?

ابعت كم مجاهد من المجاهدين الاشاوس الي عندك ، الي عندهم خبرة بقطع رؤوس الشيعه واكل اكبادهم

ابعتهم عا فلسطين خليهم يثأروا لهلطفل ، لابن ملتك الي في بين صفوف المجاهدين عندك الاف المجاهدين من نفس بلد هالطفل

يا جناب الخليفه اعتبر الي قتلوه شيعه ، اي شيعه اعتبرهم علوية ، اعتبرهم سوريين من الجيش السوري وابعت مجموعه تقاتلهم وتاكل اكبادهم صدقني ما رح يتأثر كتير جيشك ، عندك الي بيكفي وبيوفي وبيقدر يقتل الشيعه بسوريا والعراق ولبنان

ابعتهم جنابك وفرجينا انك بتهتم لامر المسلمين بجد وساعتها رح نبايعك

قوم يا جناب الخليفه اترك ساحات جهاد النكاح ، لاحق ، ما رح يهربوا المجاهدات

قوم البس عليك تيابك واسحب سيفك واركب على حصانك وخذ بثأر هالطفل الفلسطيني الشهيد

قوم يا حضرة الخليفه قوم

الشهيد محمد أبو خضير
الشهيد محمد أبو خضير

الوسوم
اظهر المزيد
زر الذهاب إلى الأعلى
error: نعتذر لعدم السماح بتشغيل الزر الأيمن للماوس!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock