شوشو: ” آخ يا بلدنا “.

شوشو: " شحادين يا بلدنا…قالوا عنا شحادين ".

شوشو: ” شحادين يا بلدنا “.

 

شوشو:

شوشو، أو حسن علاء الدين (26 شباط 1939 – 2 تشرين الثاني 1975) فنان مسرحي لبناني كوميدي ناقد كان من مؤسسي المسرح الوطني اللبناني ، وقدم العديد من المسرحيات والبرامج التلفزيونية.

تميز شوشو بصوته التهكمي الطفولي وبشاربيه الطويلين وجسده النحيل، يضع على رأسه قبعة أو طربوش، ويلبس ثياب غير متناسقة للتعبير عن الإختلاف عن عصره ، ويتحرك بحركات غير معتادة.

ويشار إلى أن موقع جوجل قد إحتفى بشوشو ، بوضع خربشة في الصفحة الرئيسية يوم 26 شباط (فبراير) 2014 بمناسبة الذكرى الخامسة والسبعين لمولده.

 

شحادين يا بلدنا:

أغنية شحادين يا بلدنا ، للفنان الخالد حسن علاء الدين المعروف ب( شوشو ) ، غرد بها (غناها ) في مسرحية (آخ يا بلدنا) ، وهي تعبر بحق عن وجع وألم جميع اللبنانيين و عن الوضع الإقتصادي المزري و المأساوي ، الذي عانى منه لبنان في ذاك الوقت ، ومازالت المعاناة مستمرة إلى يومنا هذا.

***** حسن علاء الدين الملقب “بشوشو” ، إشتهر بمسرحياته السياسية الغنائية الساخرة، كان بعد كل عرض يجمع أمتعته إستعداداً لدخول السجن.

شوشو – شحادين يا بلدنا

كلمات الأغنية:

شحادين يا بلدنا…قالوا عنا شحادين

نشالين يا بلدنا… قالوا عنا نشالين

محتالين يا بلدنا… نحن شوية مساكين

مظلومين يا بلدنا… إيه وحياتك مظلومين

******

عطشانين يا بلدنا… والميّ بخمس وستين

جوعانين يا بلدنا… وما عندنا رز ولا طحين

طفرانين يا بلدنا…. وبالتعتير مليانين

محتارين يا بلدنا… ليش منشكي محتارين

******

أراضينا للبيع للأغراب .. يا بلدنا

جرايدنا للبيع للسفارات .. يا بلدنا

ضمايرنا للبيع للجواسيس .. يا بلدنا

على أونا.. على دوّي.. مين بدو يشتري مين

أقرأ أيضاً:

  ثورة .. ثورة .. ثورة

******

نحن يا أهل المروة..

مساكين مساكين..

وزرا ونواب للبيع..

مدرا وحجّاب للبيع..

شعرا وكتاب للبيع..

كلو كلو للبيع..

******

ليش منسرق .. ما سألتونا

منسرق لأنه سرقونا

ليش منبيع .. ما سألتونا

منبيع لأنو باعونا !!

سرقونا الكبار… باعونا الكبار

ونحنا حرامية دراويش.. صغار.. صغار

صغار صغار.. صغار.. صغار!!

******

شحادين يا بلدنا… قالوا عنا شحادين

نشالين يا بلدنا… قالوا عنا نشالين

محتالين يا بلدنا…نحن شوية مساكين

مظلومين يا بلدنا… إيه وحياتك مظلومين..

شوشو: ” نشالين يا بلدنا… قالوا عنا نشالين “.

 

شوشو: ” آخ يا بلدنا “.

 

شوشو: ” شحادين يا بلدنا…قالوا عنا شحادين “.

 

مظلومين يا بلدنا… إيه وحياتك مظلومين..

 

على أونا.. على دوّي.. مين بدو يشتري مين

 

الله يرحم روحك المرحة ، الطاهرة الأبية ، يا حبيب الجماهير  اللبنانية المستضعفة.

 

تحية إجلال و إحترام و تقدير ، لروح فنان الشعب الخالد في ضمائرنا شوشو (حسن علاء الدين) ، الذي من على خشبة المسرح إنتفض ساخراً من كل السياسيين الفاسدين ، الذين نهبوا و هدروا المال العام بغير و جه حق ، حبيبي شوشو لا يسعني إلا أن أصرخ ، صرختك المدوية     ” آخ يا بلدنا “ .. آخ يا بلدنا .. آخ يا بلدنا …( الطبيب قاسم إسطنبولي ).

 

 

 

الوسوم
اظهر المزيد
زر الذهاب إلى الأعلى
error: نعتذر لعدم السماح بتشغيل الزر الأيمن للماوس!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock