كنا زغار وكان يا ما كان – محمد العبد حوراني

كنا زغار وكان يا ما كان
عيلة/ي فقيرة بكوخ يتخبوا
مشلوح بين السهل والوديان
الاْرض سرو والسما عبو
وبالكوخ قديش الفرح مليان
لما المواسم خيرها يظبوا
وكان القمح وزراعة الدخان
محصولها مونة سنة/ي يعبوا
مسكين بيي عالبساطة كان
طيب ..كريم يخاف من ربو
بعمرو وحياتو ما اذى انسان
والناس كلا كانت تحبو
ويقلنا لا تصحابو الخوتان
واعملوا منيح وبالبحر كبوا
واياك يا ابني تزعلوا الجيران
وجارك ادا نادى الندا لبوا
وان شفت خايك جايع وعطشان
لمساعدة اخوانكم !!!! هبوا
ومع بعض ظلوا واوعك !!! النسوان
وحكي المخدة/ي من ورا دبو
كبرنا يا بيي ولفنا الطوفان
هموم الدني ع روسنا صبوا
وفينا يا بيي بتحكم الطرشان
وايامنا صارت مصاري وبس
وماتوا اللي كانوا متلك يربوا

محمد العبد حوراني

أقرأ أيضاً:

قيصر سوري لمواجهة القيصر الاميركي
الوسوم
اظهر المزيد
زر الذهاب إلى الأعلى
إغلاق
إغلاق